Organisaziun

L’ovra electrica Lumbrein ei vegnida externalisada igl onn 2011 dalla vischnaunca da Lumbrein ed ei organisada dapi lu en fuorma d’ina societad cooperativa. Tut ils habitonts dalla vischnaunca da Lumbrein cun l’abilitad d’agir han la pusseivladad da vegnir commembers dalla societad. In cedel da participaziun cuosta 100 CHF, e mintga commember sto cumprar silmeins in e maximalmein vegn. Sin ils cedels da participaziun dat ei negin tscheins, denton porschan els in dretg da cundecisiun e la pusseivladad da prender part a radunonzas generalas informativas cun program accumpignont.

La suprastonza dalla SOEL secumpona el mument dils suandonts commembers:

Gian Derungs, president (responsabel finanzas e strategia)
Martin Capaul, vice-president (responsabel tecnica e menaschi)
Nathan Solèr, commember
Flurin Capaul, commember
Martin Sgier, commember e representant dalla vischnaunca Lumnezia

Il survetsch tecnic, che dumbra el mument tschun engaschai conluvrers, mantegn e meina l’entira reit sin igl intschess dalla duas vischnauncas da Lumbrein e Vrin. Vinavon ha l’ovra electrica era l’incumbensa da menar igl implont hidraulic dalla vischnaunca da Lumbrein a Schanaus Sut. Quella electrizitad vegn spisgentada e repartgida ella reit dalla SOEL. L’ovra ei era proprietaria d’in implont fotovoltaic sin l’alp Staviala Vedra a Lumbrein, quei implont ha ina grondezia da 300m2.

Per damondas ni giavischs stat noss’administraziun bugen a disposiziun:

telefon: 081 936 88 00
e-mail: email hidden; JavaScript is required

Per saver garantir in provediment d’energia segir, stat en cass d’urgenza nies survetsch da pichet 24 uras a disposiziun:

telefon: 081 931 31 03

Administraziun

Societad Ovra electrica Lumbrein

Vigela 1C
7148 Lumbrein

Tel. 081 936 88 00

email hidden; JavaScript is required

survetsch da pichet 24 uras

Tel. 081 931 31 03


Impressum
Protecziun da datas